తెలంగాణ జర్నలిస్ట్ ఫోరం రంగారెడ్డి జిల్లా ఉపాధ్యక్షులు పల్లె వెంకన్న గౌడ్
రంగారెడ్డి - ప్రభాత సూర్యుడు
ముఖ్యమంత్రి సహాయ నిధి పేదల పాలిట వరమని, పేద ప్రజలకు ఆర్థిక అండగా సీఎం రిలీఫ్ ఫండ్ నిలుస్తుందని తెలంగాణ జర్నలిస్టు ఫోరం రంగారెడ్డి జిల్లా ఉపాధ్యక్షులు పల్లె వెంకన్న గౌడ్ పేర్కొన్నారు. సీనియర్ జర్నలిస్ట్ పల్లె వెంకన్న గౌడ్ చొరవతో, టీపీసీసీ ప్రచార కార్యదర్శి మధుయాష్కీ గౌడ్ సహకారంతో హయత్ నగర్ కు చెందిన పి.శ్రీనివాస్ గౌడ్ కు మంజూరైన సీఎం రిలీఫ్ ఫండ్ చెక్కును సోమవారం పల్లె వెంకన్న గౌడ్ అందజేశారు. ఆపదలో ఆర్థికంగా ఇబ్బందులు పడుతున్న సామాన్యులకు ముఖ్యమంత్రి సహాయ నిధి సంజీవిని లాంటిదని అన్నారు. ఈ కార్యక్రమంలో పల్లె నవీన్ గౌడ్ తదితరులు పాల్గొన్నారు.
